Bio

Obtiven o título de Enxeñeiro Informático pola Universidade de Vigo no ano 2006. En 2007 empecei a miña carreira investigadora na Universidade de Santiago de Compostela onde recibín o Diploma de Estudos Avanzados no ano 2009 e o título de Doutor no ano 2013. Despois de doutorarme traballei cun contrato postdoutoral Marie Curie na Universidade de Masaryk (Brno, República Checa). Á miña volta reincorporeime ao CiTIUS, onde traballo como investigador postdoutoral.

As miñas líneas de investigación actuais abranguen tanto o desenvolvemento de sistemas distribuídos como a visión por computador centrada no campo da teledetección.