Bio

Participei en 50 proxectos de I+D+i, contratos con empresas e actividades de estruturación da investigación nas áreas de modelado de sistemas intelixentes con incerteza (sistemas baseados en regras borrosas), aprendizaxe automática de modelos de predición (escalables a Big Data) e data mining descritivo (sistemas "Data To Text). En 14 destas actividades fun investigador principal e nove delas foron contratos/proxectos con empresas. A investigación aplicouse en ámbitos como a xeración de descricións de datos en linguaxe natural, mellora de procesos de producción industrial, recuperación de información documental, e-learning e monitorización intelixente en dominios médicos e industriais. Esta actividade descríbese en case 200 traballos científicos con proceso de revisión nas áreas anteriormente indicadas.