Bio

Son profesor titular da Área de Linguaxes e Sistemas Informáticos na Universidade de Santiago de Compostela (USC). Son doutor en Física pola mesma universidade dende 1998, pola miña investigación en análise de imaxe médica 3D. Fun ivestigador posdoutoral no Centro de Visión por Computador (Barcelona) e no INRIA Sophia Antipolis (Francia), entre 1998 e 2000.

Recentemente o meu interese desprazouse cara a visión por ordenador con inspiración biolóxica, e inclúe atención visual, recoñecemento de escenas e obxectos, recoñecemento de actividades humanas e aprendizaxe máquina. Neste momento, estamos a traballar en proxectos relacionados con visión en robótica, fotogrametría e inspección visual.