QUIRAV: Quirófano Avanzado

Descrición

O proxecto QUIRAV prantexa o avance no desenvolvemento de sistemas para o desenvolvemento de quirófanos avanzados. O proxecto QUIRAV explorará novas formas de aplicar as TIC para integrar as diferentes tecnoloxías do quirófano, analizando os procesos e a información médica, desenvolvendo novos interfaces para a interacción co equipamento médico, e optimizando a coordinación entre o persoal médico e non médico.

Obxectivos

O obxectivo principal do proxecto é construír un sistema que poida axudar ao persoal médico na toma de decisións dentro do quirófano:

Homoxeneizar e estruturar os datos e información xerados polos dispositivos de electromedicina, diagnóstico e control ambiental presentes no quirófano
Permitir a análise da información xerada durante o desenvolvemento do proceso cirúrxico
Proporcionar axuda e apoio a toma de decisións en tempo real
Ofrecer ao persoal clínico acceso á información do quirófano de xeito rápido e de forma ergonómica, por medio de interfaces naturais.

Subproxecto con Bahía Software: Núcleo do Sistema Experto

O CiTIUS colabora con Bahía Software en tarefas de desenvolvemento dos sistemas de minería de datos para a análise da información xerada no quirófano e asesoramento no desenvolvemento de estratexias de planificación de recursos.

Subproxecto con Egatel: Concentrador de Sinais

O CiTIUS colabora con Egatel no desenvolvemento do concentrador que realizará a canalización e conversión dos datos procedentes dos aparatos do quirófano.

Subproxecto con Everis: Trazabilidade de eventos e procesos

O CiTIUS colabora con Everis no desenvolvemento de técnicas para o análise de escenas e a aplicación de solución que permitan inferir, automaticamente, os fluxos de traballo asociados aos procesos do quirófano.