Descrición

O obxectivo xeral do proxecto é valorizar o patrimonio cultural da Eurorrexión Galicia - Norte de Portugal, como elemento de desenvolvemento transfronteirizo, mediante estratexias e modelos conxuntos de recollida, tratamento de información e xestión, promovendo a súa difusión e o seu aproveitamento por parte dos sectores económicos como o sector turístico, e impulsando a participación social en todo o proceso.

Obxectivos

O principal obxectivo do proxecto é a valorización do Patrimonio Cultural de Galicia - Norte de Portugal, como elemento de cohesión social e desenvolvemento estrutural transfronteirizo.

O proxecto tamén conta cos seguintes obxectivos específicos:

• desenvolver un sistema de información, procesos e sistemas dixitais de referencia, para administracións públicas, universidades e outros axentes sociais implicados na xestión; preservación e promoción do patrimonio cultural que permita ademáis, o seu aproveitamento por sectores como o turismo, a investigación ou a educación;
• promover a participación social nos procesos de xestión e uso do patrimonio;
• desenvolver e ensaiar estratexias, ferramentas e instrumentos de xestión patrimonial innovadoras.

Resultados

• Sistema de información fundamentado nas TIC para a xestión do patrimonio cultural, con aspectos xeoespacial, participativo, accesible e interoperable.
• Desenvolvemento do sistema en 3 casos de uso de administracións públicas en distintas tipoloxías de patrimonio material e inmaterial, que se consolidarán como procedementos de traballo na administración pública, e como servizos ó cidadán.
• Vinculación de máis de 5.000 axentes, representados por xestores do patrimonio públicos e privados, investigadores, cidadanía en xeral (incluíndo a visitantes), promovendo a súa participación activa e visión renovada sobre o patrimonio.
• Xeración e experimentación de 4 experiencias piloto de modelos de xestión patrimonial innovadores.