‘De nenas a investigadoras: o camiño da ciencia’

Data: 
xoves, 11 febreiro, 2021 -
10:00 - 11:30
Lugar: 
Plataforma Zoom
Poñente(s): 
Paula López, María Jiménez, Catarina Allegue e María José Gómez (CiTIUS, CiQUS, CiMUS e IGFAE)
Idioma: 
Castelán
Streaming: 
Este evento emitirase en directo. A ligazón á emisión poñerase aquí cando esté dispoñible.

Os centros singulares de investigación da Universidade de Santiago (RCSI-USC) organizan unha mesa redonda conxunta o próximo 11 de febreiro, coincidindo co Día Internacional da Muller e a Nena na Ciencia.

A investigación de excelencia da USC, no marco da iniciativa Ciencia Singular e a través dos seus centros singulares CiMUS, CiQUS, CiTIUS e IGFAE, diríxese novamente á sociedade para celebrar con centros educativos de toda Galicia o Día Internacional da Muller e a Nea na Ciencia 2021. En formato virtual, a actividade procura achegar as experiencias de investigadoras de diferente perfil e etapa profesional co obxectivo de promover vocacións científicas. Investigadoras en fase predoutoral, postdoutoral, xefas de grupo e directivas dos catro centros singulares da USC contarán as chaves, anécdotas e logros das súas traxectorias co gallo de espertar a chamada da ciencia en nenas e mozas que decidan orientar a súa formación cara diferentes ámbitos da ciencia.

Moderada pola responsable de comunicación do Instituto Galego de Física de Altas Enerxías (IGFAE), Elena Mora, a mesa de debate contará coa participación de:

  • Paula López, directora adxunta do CiTIUS
  • María Jiménez, investigadora principal do CiQUS.
  • Catarina Allegue Toscano, investigadora posdoutoral do CiMUS
  • María José Gómez, investigadora predoutoral del IGFAE.

Esta actividade terá lugar a partires das 10:00 do vindeiro 11 de febreiro, xoves, e poderase seguir en directo a través de videoconferencia.

A participación nesta xornada é de acceso libre e require inscrición a través do formulario web disposto pola organización:

INSCRIBIRSE NESTA XORNADA