Programa de Formación: «Curso de métodos estatísticos dirixido ao estudo de tests paramétricos e non paramétricos»
OBXECTIVOS DO CURSO
Neste curso preténdese explicar os métodos máis importantes de inferencia estatística básica, especialmente focalizados ao caso dos contrastes de hipóteses paramétricos e non paramétricos. O enfoque será de carácter aplicado con ilustración sobre datos de interese e manexo da ferramenta estatística R.
CONTIDOS
- Análise exploratorio de datos. (2h)
- Revisión sobre os métodos de estimación puntual. Métodos de estimación de máxima verosimilitude. (2h)
- Terminoloxía de contrastes de hipóteses. (1h)
- Métodos de construción de contrastes de hipóteses. Test da razón de verosimilitudes. (2h)
-
Aplicacións do test da razón de verosimilitudes: (4h)
- Aplicación ao caso de mostras gaussianas
- Test de bondade de axuste chi-cadrado
- Test de homoxeneidade
- Test de independencia
- Test clásicos non paramétricos: Test de Mann-Whitney-Wilcoxon, Test de Kruskal-Wallis, Test dos signos, Test de Friedman, …. (5h)
- Test baseados na idea do bootstrap (2h)
- Test ligados a comparacións múltiples (2h)
METODOLOXÍA
O curso ten un enfoque práctico. A partir do primeiro capítulo de análise exploratoria de datos, utilizaranse os mesmos como motivadores para a introdución dos diversos contrastes e irase mostrando a implementación dos mesmos no computador coa axuda de R.
SOBRE A RELATORA
Beatriz Pateiro López é profesora contratada doutora do Departamento de Estatística, Análise Matemática e Optimización da Universidade de Santiago de Compostela (USC). No presente curso académico imparte materias do Grao en Matemáticas, Grao en Medicina, Máster en Técnicas Estatísticas e Máster Interuniversitario en Tecnoloxías de Análise de Datos Masivos: Big Data. Pertence ao grupo de investigación ‘Modelos de Optimización, Decisión, Estatística e Aplicacións’ da USC. É autora de varios artigos científicos en revistas de impacto e participa como investigadora en proxectos de investigación. Entre xaneiro de 2015 e xuño de 2017 foi vicedecana da Facultade de Matemáticas e desde xuño de 2017 ocupa o cargo de secretaria.
