O Centro lanza unha campaña para dar resposta ás dúbidas e curiosidades sobre o seu labor de investigación en torno á Intelixencia Artificial e as tecnoloxías intelixentes: unha iniciativa aberta a toda a sociedade, con especial énfase no alumnado dos centros educativos de Galicia. Participa!

‘Mellorar a sociedade a través das tecnoloxías intelixentes’. Hai 10 anos, o CiTIUS estreou o seu edificio no corazón do Campus Vida da Universidade de Santiago de Compostela, unha década facéndonos preguntas e buscándolles respostas. Agora o CiTIUS, (Centro Singular de Investigación en Tecnoloxías Intelixentes da USC) quere darche a oportunidade de que sexas ti quen nos pregunte. Dinos que che gustaría saber das tecnoloxías intelixentes: máquinas que ven, que len, que oen e falan... máquinas que aprenden, que se expresan de xeito creativo. Queremos escoitarte: pregúntanos, o CiTIUS responde.

Unha parte das preguntas recibidas terán resposta directa, e en directo, nun acto público que celebraremos o vindeiro 14 de xuño. Un encontro conducido pola xornalista e divulgadora Esther Estévez, onde atoparás respostas ao que che interesa e aprenderás divertíndote.

Envíanos as túas preguntas desde do noso formulario oficial (abaixo) ou a través dos nosos perfís oficiais (@citiususc) nas redes sociais:

Twitter | Instagram | Facebook | LinkedIN

Participa! Opina! Aprende! Comparte!... #PregúntalleAoCiTIUS