Bio

Son doutor en Ciencias Físicas dende o ano 2000 e colaborei en máis de 25 proxectos e contratos de investigación financiados en convocatorias públicas‚ participando como investigador principal en 10 deles. Estas actividades aplicáronse en ámbitos como a aprendizaxe adaptativa en e-learning‚ a clasificación e enriquecemento de documentos e metadatos‚ a automatización de guías médicas‚ e a xestión de procesos industriais. Como resultado desta investigación publiquei máis de 140 traballos científicos con proceso de revisión en conferencias e revistas nacionais e internacionais.

Os meus intereses de investigación céntranse nas tecnoloxías semánticas‚ cunha especial énfase no desenvolvemento de algoritmos para a anotación semántica baseada en grafos; no modelado e xestión de procesos dinámicos; na minería de procesos para o descubrimento‚ simplificación e detección de cambio en procesos; e na computación de servizos.